ŽEREM I LOČEM Slane srdele i Košutićev Cabernet Sauvignon

Vengo, znate da sam bonkulović, ma sam u kužini inkantan kad vaja dat truda po tećama. Dobar sam jedini za izist i frnjokulavat.
Vako na dan kad jimo ribu, za večeru guštam u pjatu intrat slane srdele. Ove moje su od ribara Nikole i u slanome toću su priko godišća. Kad srdela tako popije sol, ona se učine silnom pa vaja i vino bit jak karik.
Plavac je naša uzanca za inkolat se sa srdelom, a ja sam večeras da katrigu moslavačkom Cabernet Sauvignonu iz Vina Košutić . Ovo vino jema forcu, jakega je tila i ka takvo dobro se jubi s jačim pečenjima. Kako volim svašta provat u jubavi, tako je bome i s vinima, e. Večeras smo nizbrdo u drob poslali zajubjeni par, odležanu slanu srdelu i odležani kaberne ča je za zikvu jema dobru bačvu sve skupa dva godišća. Vo vino se ne fali samo barikom, vengo crnim bobicama, kupinom, ćutom čikulate. Jakega je fruta pri svega, a u pituri je rubinski moćno s jubičastim ringama.
Gren sad guštat s ekipom. Ala živili!

Odgovori

Please enter your comment!
Please enter your name here