REGULE Za prvu večeru

Dunkve, s jednom Gosparkom bi tokalo poć na večeru. Oboj ča ja šesna svite.
Kako toka ostavit dobar dojam barenko za prvu večeru, učini sam si regule da večera projde slasno i strasno.

  1. Probužane mudante ostavit za posjete općini i poreznoj, a za vu priliku vazest nove. Razguzat hi maškinavanjem dva dana pri da posli ne grataju intimne zone
  2. Pogulit, pokosit i obrijat bikini zonu
  3. Svaki dan do večere stat na glavi pol ure da drob gre veće u prsi
  4. Vazest kanavacu u zadnji žep od gać da se vidi mot đogadura od peki i ražnji
  5. Bacit par bićerini mušća u se, na se i podase
  6. Ukrest koju rosulicu kad se gre po šinjorinu, obavezno se nabost na draču da jema ča ćućat i svakako glumit palega borca
  7. Kad se ugleda šinjorina, reći joj da oduzima dah ka but s kumpirima i mladom kapulicom
  8. Kad se hodi u konobu ili restoran, učinit fintu ka da nisi nikad od tote izlazi ka žbativena pantagana i afanavat se kako je sve lipo romantično
  9. Ne naručit mašur spize
  10. Ne brisat se sa tavajom i koltrinom
  11. Kad se ćuća košćica ne blejat u šinjorinu strasno
  12. Ne mazat joj masnim rukima žulje i kurje oči
  13. Ne naručivat veće od tri litre vina po glavi jerbo je šesna romantična večer
  14. Većinom se hihotat na njene beside i stat kuco ako pita obo interesima i guštima
  15. Ne zalivat umjetno cviće u jeruli kraj stola
  16. Kad se plaća večera iz portafoja vaja ispast slika Bogorodice i druga Tita, da se vidi na koju ješku se ćapaje. Ako na prvu onda počet obo nonotu zvonaru i kampanelu, ako na drugu onda o babi prvoborcu i potribi bratstva i jedinstva ususret škuribandi
  17. Povest šinjorinu u đir uz more i ne zviždit
  18. Ne tuć kartušinu s tleha nogami i slavit gol na sjeveru kad dobro poleti
  19. Nać šentadu i butat bokun kartušine da šinjorina ne dobije upalu prostate
  20. Nikako ne uključit centrifugu čim se sedne
  21. Ne tiravat joj rukima ariju od mušća pod nos
  22. Ne hvalit se mudantima
  23. Ne iškat šinjorinu da popipa bruh
  24. Ne oblančavat ni sebe ni nju
  25. Zatvorit oči, otvorit justa, prignit se napri i pomolit se Bogorodici i Titotu da će čagod uletit u justa a da ni gundej ili smrdljivi Martin

Odgovori

Please enter your comment!
Please enter your name here