Nešpulasti pižalot

Odve sam svoju Nešpulicu na 712-metarsku jahtu. More se na nju igrat na kukalo do sudnjega dana.
Isto je bila bokun metroseksualne voje pa sam skoči u torpedo i prirodnom smrću usmrti čagod škarpini, zubaci, jastozi, jerbo moja jubav ne voli nasilje, bužanje, bumbižavanje. I daje je jemala tugu. Ćapa sam se teletopa na krmi i pobi par zvizdi s nebes u po bilega dana. Jedna je pala drito kraj nas u more da joj poškropi noge. A bila je već bokun sritnija.
Ma ja sam vela renesansa u jubavi i obuka sam duracell peraje i ugoni jato dupini da učine koncert isprid naše jahte. Miri sam im fibru da mi ne infetaju jubav. Činila je letrate s dupinima i parila se sritna. I ja sam parla dupinski. Onda sam joj doni konočal da gleda svit po malim mistima.
Bidan svit bleji u ciple pune govan i misli da je u raju, a mi na jahtu ponašamo se organski. Od sve te organske spize meni se kusalo par organi, a nikako doć do tega. Ma pensam, samo neka je ona sritna dok gleda pizdune nesritne po portu ča potežedu štramce put banja. A jopet joj je došla slaba voja, pa sam na baketinu organsku ulovi par tići da pivaju Tompsona. Odma me je zvala na stiskavac. A ja sam ve bi umoran od silne rabote oko jubavi. Jujuškalo me sve, omlohavi sam cili. Ona se uz me strasno stiskala. Ve sam moga ćutit nešpulasti sok, koji rajski cukar.
Jebenti popodnevni pižalot i pošćera ča me trumbetanjem ferma u svemu, jesam pegulan.

Odgovori

Please enter your comment!
Please enter your name here