Regule za jubjenje

0
9

REGULE ZA JUBJENJE

Kako puno svita pet dan maškinaje, inbalaje travu, buba macom po stinjama i čini ostale muške posle, izgubi se bokun mot za bit nježan sa ženami.

Dunkve, ako bi moglo bit čagod jubjenja, va se dobro paričat da se ostavi dojam. Evo par reguli.

1. Noć pri ne kiselit kupus

2. Ćapat se goblena radi fine motorike

3. Razgibat jezik tako da se stavi frenja u bićerin vode i goni jezikon

4. Stavit dva bićerina mušća u sve buže i ponare na tilu

5. Inkartat zube di fali plombe

6. Otvorit oči i zatvorit usta

7. Ne cukune, otvorit usta i zatvorit oči

8. Ako ti se šćipa u mrčini, šćipaj sebe da ne ispadeš grez na prvu

9. Stavi mobitel na silent i vibro. A možeš i sebe

10. Ne čupaj joj dlake iz nosa

11. Ne poteži je za vlase kad ti dođe momenat, to ostav doma za kozu

12. Ne bleji u nju ka u janjčića

13. Ne oblančavaj joj cilu facu ka koščicu

14. Ne pljuči inkarat s njene face

15. Ne pričaj kako se nadije janjac na ražanj

16. Nakon poljupca da nisi poče o maslinima i koliko su urodile, već blej u zvizde i čin se blažen

17. Ako oćeš još, ne pitaj je oće li ona repete

18. Zapamti da jezik nije ni motika ni maškin, tako da ne kopaj

19. Ako je mrčina rec da jemaš lampadinu u mudante

20. Ne cukune, muč. Još bolje, muč cilo vrime.